O Concello de Nigrán busca eliminar os atropelos nos pasos de peóns instalando unha iluminación específica que mellore a seguridade viaria

Nigrán A Nova Peneira

Foron adquiridos 9 sistemas de reforzo lumínico por importe de 18.000 € para rúas de todo o municipio

Nigrán, 26 de setembro de 2019

O goberno de Nigrán extremará as medidas para eliminar os atropelos en pasos de peóns do municipio introducindo neles un reforzo lumínico extra por importe de 18.000 € a cargo do Plan Concellos 2017 da Deputación de Pontevedra. O obxectivo é mellorar a seguridade do camiñante e do conductor en viais de titularidade municipal onde os pasos non están regulados semafóricamente e resultan especialmente perigosos, cuestión que tamén demandaran as diferentes entidades veciñais. Así, estos reforzos serán instalados por operarios municipais nas vindeiras semanas en nove rúas: Arquitecto Palacios con Cidade de Vigo (Panxón); Torrente Ballester, Manuel Lemos e Avenida de Portugal (A Ramallosa); Rosalía de Castro, Val Miñor e José María Pérez Alonso (Nigrán); e San Roque (Camos).

Os conxuntos de reforzo lumínico serán de iguais características aos instalados pola Deputación nos viais provinciais co obxectivo de manter a mesma estética. Así, constarán dunha columna de iluminación led de ata 6 metros de altura que teña integrada unha placa decorativa de aceiro inoxidable brillante co escudo do Concello de Nigrán cortado a láser. A oferta que se contraté deberá incluír todo o preciso para a súa montaxe e posta en funcionamento a cargo dos operarios municipais.

“Ao igual que os lombos, unha correcta iluminación nos pasos de peóns é un punto crave para a seguridade viaria, tanto para o vehículo que circula na calzada como para o peón. Isto é especialmente importante onde non se dispoña de semáforo, pois o peón cruza cando non se achega ningún vehículo, polo tanto, se a iluminación non é axeitada o vehículo pode non divisar ao camiñante provocando un accidente ou atropelo”, incide o alcalde, Juan González.

Primer comentario

Deixa a túa opinión

A súa dirección de correo electrónico non será publicada.


*