Rematan as obras de mellora do vial entre o campo de fútbol de Moreira e a estrada provincial

Vías e obras a nova peneira

A concellería de Vías e Obras informa que esta obra foi adxudicada a través dun concurso público por máis de 50.000€

Ponteareas, 29 de novembro de 2019

A concellería de Vías e Obras que dirixe Chus Garrote informa que nestes días se procedeu a executar as obras de pavimentación do camiño do campo de fútbol Moreira EP-4005 adxudicadas por un total de 53.274,94€ a través dun concurso público aberto.

Financiadas con fondos propios e cunha achega do plan MARCO da Axencia Galega de Desenvolvemento Rural (Agader), estas obras contemplan a pavimentación dun tramo moi demandado pola veciñanza da zona dado o mal estado da capa de rodadura.

Veciños de Cristiñade, Moreira e Nogueira empregan a diario este vial que agora se asfaltou dende o campo de fútbol a estrada provincial EP-4005.

A empresa actuou en 1.139,94m comezando por unha limpeza das marxes e apertura de cunetas ao longo de todo o tramo. Seguidamente procedeuse ao barrido da superficie e aos traballos necesarios para o posterior asfaltado de 6.968,00 m2 .

Estas obras enmárcanse no planeamento que esta concellería ten previsto para a mellora de viais no rural.

“Dende esta concellería eramos conscientes da necesidade de mellora deste traxecto pero faltaban os pertinentes permisos da Confederación Hidrográfica ao tratarse dun tramo que transcorre ao lado do río. Agradezo de antemán a paciencia dos veciños e das veciñas e os comentarios positivos que nestes días nos están trasladando”.

Primer comentario

Deixa a túa opinión

A súa dirección de correo electrónico non será publicada.


*