BUEU. 27.08.2023.<\/p>\n\n\n\n
O FICBUEU 2023 homenaxear\u00e1 na s\u00faa 16\u00aa edici\u00f3n a figura do realizador holand\u00e9s Joris Ivens, un dos m\u00e1is grandes documentalistas do cinema mundial de todos os tempos. O Festival Internacional de Cinema de Bueu, que se celebrar\u00e1 entre o 8 e o 23 de setembro, dedicaralle unha monograf\u00eda a Ivens \u2013o CadernoFICBUEU#4\u2013 e a s\u00faa \u00abSecci\u00f3n Retrospectiva\u00bb, coa proxecci\u00f3n de catro das s\u00faas curtametraxes m\u00e1is representativas.<\/p>\n\n\n\n
O autor do CadernoFICBUEU#4 dedicado a Ivens e programador do certame, Severiano Casalderrey, explica que \u00abno festival buscamos dar a co\u00f1ecer obras importantes do mundo das curtas e este ano escollimos a Ivens porque \u00e9 un dos pioneiros do cinema documental e unha figura clave na historia\u00bb. O FICBUEU aposta polo cinema de autor e as novas tendencias. E tam\u00e9n pola divulgaci\u00f3n cultural e cinematogr\u00e1fica. De a\u00ed a publicaci\u00f3n dos cadernos e a inclusi\u00f3n da \u00abSecci\u00f3n Retrospectiva\u00bb na s\u00faa programaci\u00f3n.<\/p>\n\n\n\n
A ollada que documentou os cambios e as crises do s\u00e9culo XX<\/p>\n\n\n\n
Ivens (Nimega, 1898-Par\u00eds, 1989) foi testemu\u00f1a coa s\u00faa c\u00e1mara dos m\u00e1is importantes cambios sociais, crises, guerras e revoluci\u00f3ns do s\u00e9culo XX. A s\u00faa filmograf\u00eda abarca m\u00e1is de medio centenar de pel\u00edculas, rodadas durante seis d\u00e9cadas: dende a s\u00faa primeira curtametraxe, o western _A frecha ardente_, que fixo co seu pai cando s\u00f3 ti\u00f1a 13 anos, ata a \u00faltima, _Unha historia de vento_, sobre China e que filmou pouco antes da s\u00faa morte.<\/p>\n\n\n\n
Caderno e retrospectiva van da man no FICBUEU. A publicaci\u00f3n, titulada _A expansi\u00f3n do documental a trav\u00e9s das curtametraxes de Joris Ivens (1898 \u2013 1989)_, presentarase no Centro Social do Mar de Bueu o s\u00e1bado 16 (11.30 horas) e estar\u00e1 \u00e1 venda na p\u00e1xina web do FICBUEU e durante o certame. Nela ded\u00edcanse catro cap\u00edtulos a subli\u00f1ar outras tantas facetas do director holand\u00e9s.<\/p>\n\n\n\n
A primeira \u00e9 a de \u00abcineasta po\u00e9tico\u00bb, influenciado polas vangardas art\u00edsticas de principios do s\u00e9culo pasado. Desa \u00e9poca data a curta que abrir\u00e1 a proxecci\u00f3n da \u00abSecci\u00f3n Retrospectiva\u00bb, que ter\u00e1 lugar o domingo 17 (18.00 horas). Tr\u00e1tase de _Regen_, de 1929, unha exploraci\u00f3n abstracta, experimental e l\u00edrica dos efectos da chuvia nunha cidade moderna coma \u00c1msterdam.<\/p>\n\n\n\n
Cr\u00edtico e comprometido<\/p>\n\n\n\n
Outro dos aspectos que se abordar\u00e1n nesta aproximaci\u00f3n a Ivens \u00e9 a s\u00faa vertente activista. O cineasta, de ideolox\u00eda comunista desde que nos anos 30 vivira un tempo na Uni\u00f3n Sovi\u00e9tica, achegou unha mirada comprometida na historia do documental, sempre desde o punto de vista dos pobos en loita contra a opresi\u00f3n do sistema. De feito, a conciencia social foi o motor permanente da s\u00faa vida \u2013sirva de exemplo que uns d\u00edas antes de morrer participou en Par\u00eds, aos 91 anos, nunha multitudinaria protesta contra as masacres da Praza de Tiananmen\u2013 e tam\u00e9n da s\u00faa produci\u00f3n audiovisual. \u00abA s\u00faa militancia est\u00e1 moi reflectida nas s\u00faas obras \u2013apunta Severiano Casalderrey\u2013 e sempre atopamos alg\u00fan elemento cr\u00edtico nas s\u00faas pel\u00edculas\u00bb. A que se ver\u00e1 no certame \u00e9 Borinage (1933), curta sobre as folgas mineiras en B\u00e9lxica, na que Ivens denunciou a miseria e a explotaci\u00f3n proletaria.<\/p>\n\n\n\n
O holand\u00e9s errante<\/p>\n\n\n\n
O p\u00fablico do FICBUEU tam\u00e9n poder\u00e1 descubrir a faceta aventureira e viaxeira deste director, \u00abunha persoa inqueda, sempre de aqu\u00ed para al\u00f3\u00bb, que rodou nunha vintena de pa\u00edses dos cinco continentes, e que se representa na terceira peza incluida na proxecci\u00f3n, _Indonesia Calling_ (1947). Con esta pel\u00edcula Ivens apoiou aos independentistas deste pa\u00eds asi\u00e1tico cando a\u00ednda era unha colonia holandesa. \u00abFoi repudiado polo seu propio pa\u00eds durante vinte anos por este documental, e iso acrecentou o concepto que se ti\u00f1a del de holand\u00e9s errante\u00bb, sinala Casalderrey.<\/p>\n\n\n\n
A \u00faltima faceta que explorar\u00e1 o FICBUEU da figura de Ivens \u00e9 a m\u00e1is xornal\u00edstica: a de cronista de guerra. O realizador holand\u00e9s filmou case todas: a Guerra Civil Espa\u00f1ola (no documental _Terra de Espa\u00f1a_, de 1937, coa voz narradora de Ernest Hemingway e a colaboraci\u00f3n de Orson Welles), a Segunda Guerra Mundial, a Revoluci\u00f3n Cubana ou a Guerra do Vietnam, escenario de _Le ciel, la terre_, que rodou en 1966 e pecha a \u00abSecci\u00f3n Retrospectiva\u00bb do Festival. \u00abAs s\u00faas imaxes dos principais conflitos son un retrato do pasado s\u00e9culo arredor do mundo\u00bb, resume Casalderrey de Joris Ivens, quen asentou sempre o seu traballo na importancia da funci\u00f3n social do cinema, as\u00ed como na honestidade, a liberdade ideol\u00f3xica e a busca da verdade como condici\u00f3ns esenciais do documentalista.<\/p>\n","protected":false},"excerpt":{"rendered":"
Unha retrospectiva amosar\u00e1 as facetas de poeta, militante, aventureiro e cronista de guerra do director holand\u00e9s coa proxecci\u00f3n de catro das s\u00faas curtametraxes m\u00e1is emblem\u00e1ticas<\/p>\n","protected":false},"author":3,"featured_media":10354,"comment_status":"open","ping_status":"open","sticky":false,"template":"","format":"standard","meta":{"_et_pb_use_builder":"","_et_pb_old_content":"","_et_gb_content_width":"","_exactmetrics_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"_jetpack_memberships_contains_paid_content":false,"footnotes":""},"categories":[22],"tags":[1318],"class_list":["post-10351","post","type-post","status-publish","format-standard","has-post-thumbnail","hentry","category-morrazo","tag-concello-de-bue","et-has-post-format-content","et_post_format-et-post-format-standard"],"yoast_head":"\n