![\"Tino](\"https:\/\/www.anovapeneira.gal\/wp-content\/uploads\/2019\/05\/tino_lago_director_a_nova_peneira.jpg\")
A finais do pasado mes de setembro un participante dun piquete de folga, diante dunha factor\u00eda de autom\u00f3biles na cidades estadounidense de Detroit, dic\u00eda meg\u00e1fono en man:
\u201cMerecedes o que ganastes , e ganastes moito m\u00e1is do que vos pagan\u201d<\/p>\n\n\n\n
Quen participou naquel piquete e pronunciou esas palabras, e outras de solidariedade cos traballadores e traballadoras, non era ning\u00fan l\u00edder sindical, foi o presidente dos EEUU, Joe Biden. A visita do presidente norteamericano non se pode descontextualizar do feito de que o pr\u00f3ximo ano volve haber elecci\u00f3ns presidenciais nos Estados Unidos e os estados de Michigan( Detroit) , Wisconsin e Pensilvania son chaves pois as maior\u00edas est\u00e1n enormemente axustadas. Nas elecci\u00f3ns do 2016 Trump conseguinos por moi pouco, e nos \u00faltimos comicios do 2020 foi Biden o que se fixo con estes estados tam\u00e9n por moi pouca diferenza. En calquera caso, malia que se trate s\u00f3 dunha acci\u00f3n puramente simb\u00f3lica a\u00ednda que a motivaci\u00f3n da visita ao piquete de folga sexa exclusivamente electoral, o simbolismo que desprende ver ao presidente dos EEUU apoiando a un piquete ten unha enorme relevancia. Seica \u00e9 a primeira vez na historia que acontece tal cousa, pois ata o de agora en todas as folgas importantes anteriores os presidentes norteamericanos ou miraron para outro lado ou simplemente estiveron a car\u00f3n das patronais. As\u00ed por exemplo na d\u00e9cada dos 80 do s\u00e9culo pasado o presidente Reagan despediu a varios milleiros de controladores a\u00e9reos en folga.
No estado espa\u00f1ol ser\u00eda impensable algo parecido. Calquera presidente que amosara o seu apoio expl\u00edcito a un colectivo en folga, visitando a un piquete, ser\u00eda inmediatamente triturado, absolutamente esnaquizado e cruelmente esmendrellado polo poder medi\u00e1tico ao servizo das oligarqu\u00edas econ\u00f3micas, practicamente todo. Aqueles que lle dan cobertura de maneira consciente a evidentes trolas , aqueles que din que o galego goza de boa sa\u00fade , aqueles que din que Feijoo e un home intelectualmente solvente e un bo xestor, aqueles que din que a violencia do estado de Israel \u00e9 lex\u00edtima defensa pero a do Polisario terrorismo, aqueles que apelan ao transfuguismo dos outros cando non te\u00f1en maior\u00edas necesarias para gobernar , aqueles que defenden a especulaci\u00f3n e aos especuladores, aqueles que cambian de camisa para obter posici\u00f3n\u2026\u2026en definitiva aqueles que viven de facer apolox\u00eda dos poderosos lanzar\u00edan terribles treboadas dial\u00e9cticas e espetar\u00edan furiosos anatemas condenando ao herexe a ser queimado vivo na praza p\u00fablica. Si , aqueles que cando o home m\u00e1is poderoso do mundo amosou o seu apoio a un piquete curiosamente miraron para outro lado e non dixeron nada.
Ir de piquete cando hai un conflito laboral non \u00e9 nada agradable, e d\u00edgoo con co\u00f1ecemento de causa pois estiven en varios. A situaci\u00f3n pode ser realmente tensa e en numerosas ocasi\u00f3ns son os piquetes os que sofren actos de violencia. Ningunha das persoas que se pon na porta dunha factor\u00eda para reclamar dereitos , cando hai un problema laboral, est\u00e1 a\u00ed por gusto e con certeza todas ter\u00edan cousas moito m\u00e1is atractivas que facer. Pero \u201c Que tempos ser\u00e1n os que vivimos que hai que defender o obvio\u201d, e o obvio \u00e9 que cando hai un problema que afecta a un colectivo quen se implica e arrisca o seu benestar persoal, o seu posto de traballo ou incluso a s\u00faa integridade f\u00edsica, est\u00e1 no lado eticamente correcto . S\u00f3 as\u00ed se conseguiron as melloras sociais a longo da historia da humanidade, non hai outra maneira. E o obvio \u00e9 que quen exerce de esquirol \u00e9 un problema para o benestar colectivo da humanidade, pois dificulta a posibilidade do ben com\u00fan ou incluso pode chegar a impedilo. E o obvio \u00e9 que non se trata de liberdade. Liberdade \u00e9 decidir entre tomar unha cervexa ou un vi\u00f1o( se podes pagar), entre amar a un home ou a unha muller( se queren ser amados por ti), entre ler un libro ou ver unha pel\u00edcula( se a t\u00faa situaci\u00f3n persoal d\u00e1che opci\u00f3n a ter tempo para o lecer)\u2026\u2026pero entre o xusto e o inxusto non \u00e9 posible elixir, non se pode ser neutral. Entre os piquetes e os esquirois sempre, e sempre sen matices: Os piquetes.<\/p>\n","protected":false},"excerpt":{"rendered":"