O goberno municipal de Mondariz v\u00e9n de conclu\u00edr os traballos de restauraci\u00f3n de d\u00faas importantes pezas do seu patrimonio cultural: a Cruz da Igrexa e o Cruceiro da Praza Domingo Blanco Lage. Ambos bens foran derrubados como consecuencia de actos vand\u00e1licos durante as festas de ver\u00e1n dos anos 2023 e 2022, respectivamente.<\/p>\n\n\n\n
O Concello, despois de valorar os traballos de restauraci\u00f3n, reclamou \u00e1s persoas responsables que se fixeran cargo dos gastos de restauraci\u00f3n. Nun dos casos o goberno municipal recuperou a totalidade do custo, pero noutro unicamente conseguiu o 75% do investimento necesario, xa que o autor dos danos era insolvente e foi a s\u00faa familia a que indemnizou ao Concello polo prexu\u00edzo ocasionado a un ben p\u00fablico.<\/p>\n\n\n\n
Os traballos de rehabilitaci\u00f3n foron dirixidos polo mestre canteiro Manuel Sestelo que contou co apoio dun restaurador e dun arque\u00f3logo. Durante o desenvolvemento destes traballos foron restauradas todas as pezas orixinais, e unicamente se recorreu \u00e1 reintegraci\u00f3n puntual con morteiro de cal da mesma cor que a pedra en lugares puntuais nos que os danos causados ao granito eran irrecuperables.<\/p>\n\n\n\n
Monumentos con historia<\/strong><\/p>\n\n\n\n A Cruz da Igrexa foi constru\u00edda no ano 1956 e ten 3,16 m de altura. \u00c9rguese sobre unha serie de chanzos de granito xusto ao lado da igrexa parroquial de Santa Baia de Mondariz e carece de figuraci\u00f3n. Este monumento, que non ten inscrici\u00f3ns, foi levantado vinte anos despois do golpe militar de 1936 co obxectivo de exaltar o r\u00e9xime ditatorial e o seu v\u00ednculo coa igrexa cat\u00f3lica. Co tempo, esta cruz perdeu esta significaci\u00f3n predemocr\u00e1tica e foi asumida socialmente como un s\u00edmbolo cultural e relixioso m\u00e1is.<\/p>\n\n\n\n Pola s\u00faa parte o Cruceiro da Praza Domingo Blanco Lage foi instalado neste lugar a mediados do s\u00e9culo XX procedente da s\u00faa localizaci\u00f3n orixinal, no barrio do Escobeiro, en Mondariz.<\/p>\n\n\n\n Segundo Pilar Bouza, veci\u00f1a deste barrio de 84 anos de idade, \u201ca cruz repousaba orixinalmente sobre un antigo portal de pedra que daba entrada a un eido e vivenda no lugar de Al\u00e9n. Cando morreu o seu \u00faltimo propietario sen descendencia, a propiedade foi obxecto dunha poxa p\u00fablica entre a vecil\u00f1anza do Escobeiro, sendo adquirida finalmente polo Concello de Mondariz que a instalou sobre un bloque de pedra ornamental cheo de cavidades naturais\u201d.<\/p>\n","protected":false},"excerpt":{"rendered":"