{"id":11820,"date":"2024-06-03T10:00:54","date_gmt":"2024-06-03T08:00:54","guid":{"rendered":"https:\/\/www.anovapeneira.gal\/?p=11820"},"modified":"2024-06-03T12:48:49","modified_gmt":"2024-06-03T10:48:49","slug":"redondela-proxecta-o-novo-paseo-do-litoral-de-cesantes","status":"publish","type":"post","link":"https:\/\/www.anovapeneira.gal\/index.php\/2024\/06\/03\/redondela-proxecta-o-novo-paseo-do-litoral-de-cesantes\/","title":{"rendered":"Redondela proxecta o novo paseo do litoral de Cesantes"},"content":{"rendered":"\n

O Concello de Redondela acaba de contratar o proxecto de execuci\u00f3n no novo paseo do litoral de Cesantes, desde o porto ata o \u00e1 praia, que supor\u00e1 un novo espazo de case 4.000 metros cadrados.<\/em><\/p>\n\n\n\n

-A alcaldesa, Digna Rivas, lembra que a creaci\u00f3n deste paseo era un das s\u00faas apostas persoais para este mandato, e que permitir\u00e1 \u00e1 veci\u00f1anza desprazarse cami\u00f1ando ou en bicicleta desde o centro da vila at\u00e9 a praia\u201d.<\/em><\/p>\n\n\n\n

– Con este proxecto Redondela ga\u00f1ar\u00e1 un novo espazo para a cidadan\u00eda \u201cao tempo que nos permitir\u00e1 protexer a paisaxe, conservar e mellorar un \u00e1rea natural de gran valor ecol\u00f3xico\u201d, engade a alcaldesa<\/em><\/p>\n\n\n\n

Redondela, 25 de maio de 2024. O Concello de Redondela acaba de contratar a redacci\u00f3n do Proxecto B\u00e1sico e de Execuci\u00f3n dun novo paseo no litoral de cesantes. O \u00e1mbito de actuaci\u00f3n est\u00e9ndese desde o porto de Cesantes at\u00e9 o acceso \u00e1 praia polo Cami\u00f1o da Mari\u00f1a. A superficie na que se vai intervir sup\u00f3n un espazo de 3.900 m2 aproximadamente. Tr\u00e1tase dun proxecto no que se reflectir\u00e1 o dese\u00f1o do paseo e as soluci\u00f3ns construtivas. O prazo de execuci\u00f3n \u00e9 de tres meses, polo que estar\u00e1 rematado este ver\u00e1n.<\/p>\n\n\n\n

A alcaldesa, Digna Rivas, sinala que a creaci\u00f3n dun paseo polo litoral de Cesantes era un das s\u00faas apostas persoais para este mandato \u201ce agora damos xa o primeiro paso para facelo unha realidade\u201d. Tr\u00e1tase dun importante proxecto \u201cque vai transformar o espazo litoral da parroquia de Cesantes, que levaba anos esquecido\u201d, afirma Rivas. Este novo paseo mar\u00edtimo partir\u00e1 desde a lonxa de Cesantes at\u00e9 a praia da Punta \u201ce permitir\u00e1 \u00e1 veci\u00f1anza e aos nosos visitantes desprazarse cami\u00f1ando ou en bicicleta desde o centro da vila at\u00e9 a praia\u201d. O obxectivo desde proxecto \u201c\u00e9 ga\u00f1ar un novo espazo para a cidadan\u00eda, con zonas de lecer e esparexemento cunha mobilidade m\u00e1is amable, dando prioridade aos pe\u00f3ns\u201d. Neste caso de Cesantes ademais, ponse en valor un espazo natural de gran valor ecol\u00f3xico, dentro da Rede Natura 2000, e o novo paseo \u201cpermitir\u00e1 conservar e mellorar o patrimonio natural e cultural, e protexer a paisaxe\u201d, engade a alcaldesa.<\/p>\n\n\n\n

A praia de Cesantes, o seu paseo mar\u00edtimo e os espazos agroforestais da zona act\u00faan xa como \u00e1reas verdes e dotan de zonas de lecer \u00e1 cidadan\u00eda. O areal e a s\u00faa contorna fomentan o ocio ao aire libre e contan cunha zona de arboredo e equipamento de bancos e mesas que supo\u00f1en un refuxio clim\u00e1tico para a cidadan\u00eda. O novo paseo permitir\u00e1 ampliar os espazos de lecer ao aire libre, ao tempo que preparar\u00e1 este tramo do litoral ante futuros episodios de subidas do nivel do mar.<\/p>\n\n\n\n