Un dos temas centrais da axenda feminista desta cuarta onda do feminismo \u00e9 a explotaci\u00f3n reprodutiva das mulleres e a compravenda de crianzas. A mal chamada \u201cxestaci\u00f3n.<\/p>\n\n\n\n
subrogada\u201d, tam\u00e9n co\u00f1ecida popularmente como \u201cventres de alugueiro\u201d, converteuse nas \u00faltimas d\u00e9cadas nun negocio multimillonario a escala global; un negocio de extraordinaria opacidade, no que \u00e9 imposible saber cantos cartos se moven, e que incl\u00fae desde cl\u00ednicas de fertilidade ata axencias de viaxes, pasando por bufetes de avogac\u00eda, axencias publicitarias ou entidades financeiras, entre outros. Todas estas empresas obte\u00f1en un lucro considerable a costa da sa\u00fade das mulleres m\u00e1is vulnerables economicamente.<\/p>\n\n\n\n
Nos \u00faltimos tempos este poderos\u00edsimo lobby econ\u00f3mico est\u00e1 intensificando as campa\u00f1as dirixidas \u00e1 normalizaci\u00f3n social desta pr\u00e1ctica, de xeito que se favoreza o proceso da s\u00faa<\/p>\n\n\n\n
legalizaci\u00f3n a nivel global para as\u00ed incrementar as s\u00faas xa desmesuradas ganancias. As<\/p>\n\n\n\n
universidades organizan xornadas, congresos e seminarios louvando as marabillas do que se presenta falazmente como unha t\u00e9cnica de reproduci\u00f3n asistida, ademais dunha interesante oportunidade de desenvolvemento profesional para o estudantado universitario en ramas tan diversas coma a Medicina, o Dereito ou as Ciencias Empresariais. Tam\u00e9n captan estudantes universitarias con necesidades econ\u00f3micas para que se convertan en \u201cdoadoras\u201d de \u00f3vulos.<\/p>\n\n\n\n
Pola s\u00faa banda, os medios de comunicaci\u00f3n presentan historias emotivas de persoas, con frecuencia famosas, que, imposibilitadas para teren crianzas propias, conseguen formar<\/p>\n\n\n\n
unha familia grazas ao \u201caltru\u00edsmo\u201d dunha muller marabillosa que decide xestar por encargo e entregarlles o beb\u00e9. Pero os medios s\u00f3 dan voz \u00e1s persoas compradoras e nunca falan destas nais: ocultan o seu nome e condici\u00f3n socioecon\u00f3mica, as\u00ed como os motivos que as<\/p>\n\n\n\n
levaron a aceptar someterse a un embarazo e un parto para despois desprend\u00e9rense da criatura. Tampouco mencionan nunca os medios as terribles condici\u00f3ns do contrato que estas nais se ven obrigadas a asinar, contratos que regulan ata os aspectos m\u00e1is \u00edntimos da s\u00faa vida durante os meses que dura o proceso; non falan tampouco das pr\u00e1cticas m\u00e9dicas e psicol\u00f3xicas \u00e1s que son sometidas \u00e1s nais, pr\u00e1cticas que entra\u00f1an graves riscos para a s\u00faa sa\u00fade e mesmo para a propia vida. Na linguaxe deshumanizadora dos medios, estas<\/p>\n\n\n\n
mulleres son reducidas a \u201cxestantes\u201d, meros instrumentos no proceso reprodutivo, meras incubadoras.<\/p>\n\n\n\n
Nada din tampouco os medios sobre os numerosos casos en que as crianzas que nacen<\/p>\n\n\n\n
acaban abandonadas por non cumpriren as expectativas das persoas compradoras, ben por non seren do sexo desexado, ben por teren enfermidades ou malformaci\u00f3ns. As crianzas son cousificadas e convertidas nun mero obxecto de comercio, nunha mercador\u00eda que se dese\u00f1a ao gusto de quen paga e se desbota se non satisfai as s\u00faas esixencias, e os medios de<\/p>\n\n\n\n
comunicaci\u00f3n son c\u00f3mplices desta aldraxe.<\/p>\n\n\n\n
Entrementres, gobernos de toda ideolox\u00eda legalizan a explotaci\u00f3n reprodutiva das mulleres e a compravenda de criaturas: desde Estados Unidos, paradigma do neoliberalismo m\u00e1is exacerbado, ata a propia Cuba, que no seu recente C\u00f3digo das Familias legalizou a versi\u00f3n<\/p>\n\n\n\n
\u201caltru\u00edsta\u201d. Mais, como demostra a experiencia, ese suposto altru\u00edsmo \u00e9 unha gran mentira, unha m\u00e1scara que oculta a explotaci\u00f3n das mulleres que se prestan a xestar condicionadas pola falta de alternativas e a necesidade econ\u00f3mica, especialmente as mulleres do Sur global. Cando en Reino Unido se legalizou a versi\u00f3n \u201caltru\u00edsta\u201d, non hab\u00eda mulleres suficientes para satisfacer a demanda de compradores de beb\u00e9s, que seguiron recorrendo a pa\u00edses como India. A diferenza \u00e9 que, cando a pr\u00e1ctica \u00e9 legal no pa\u00eds de orixe das persoas compradoras, \u00e9stas atopan moitas m\u00e1is facilidades para inscribiren os seus beb\u00e9s cando chegan de volta ao pa\u00eds. As\u00ed, esta suposta versi\u00f3n \u201caltru\u00edsta\u201d \u00e9 en realidade unicamente a porta de entrada para a versi\u00f3n comercial.<\/p>\n\n\n\n
No Estado espa\u00f1ol, malia que os contratos que impliquen xestar para terceiras persoas son nulos de pleno dereito, isto \u00e9, a explotaci\u00f3n reprodutiva \u00e9 ilegal, a Instruci\u00f3n de 2010 da Direcci\u00f3n Xeral dos Rexistros e o Notariado permite inscribir no Rexistro Civil criaturas nacidas mediante explotaci\u00f3n reprodutiva no estranxeiro, sempre que se presente unha resoluci\u00f3n xudicial do pa\u00eds de orixe que acredite a filiaci\u00f3n. Esta instruci\u00f3n, aprobada polo goberno de Zapatero, legaliza de facto <\/em>unha pr\u00e1ctica prohibida pola lei, o que constit\u00fae un delito de prevaricaci\u00f3n que xa dura quince anos e varios gobernos de distintas cores, sen que a s\u00faa derrogaci\u00f3n semelle estar preto.<\/p>\n\n\n\n Dende o feminismo, denunciamos que a explotaci\u00f3n reprodutiva \u00e9 un dos maiores ataques contra as mulleres por parte do patriarcado neoliberal. \u00c9 unha pr\u00e1ctica que atenta contra o concepto de dignidade humana e vulnera gravemente os dereitos humanos das mulleres e das crianzas, que son mercantilizadas e cousificadas. Esiximos a s\u00faa abolici\u00f3n universal para que ningunha muller pobre, en ning\u00fan lugar do mundo, poida ser explotada por persoas con cartos que pretendan converter en dereitos os seus desexos de reproducirse. A vida humana non pode ser obxecto de compravenda. As mulleres non se alugan, as crianzas non se mercan!<\/p>\n","protected":false},"excerpt":{"rendered":"