Pronto van a facer dous anos dende que se iniciou a operaci\u00f3n de exterminio de Israel en Gaza sen que ning\u00fan pa\u00eds da chamada comunidade internacional, ag\u00e1s Iemen, faga nada ao respecto. O Goberno de Espa\u00f1a reco\u00f1eceu o Estado Palestino, pero iso non deixa de ser m\u00e1is que un xesto simb\u00f3lico, xa que a pesares diso as relaci\u00f3ns co estado de Israel contin\u00faan con total normalidade. O feito de que un contrato de compra de armas a ese estado fora anulado non \u00e9 practicamente relevante cando se mante\u00f1en polo menos outros corenta ademais de todo tipo de relaci\u00f3ns comerciais e diplom\u00e1ticas con ese estado criminal.<\/p>\n\n\n\n
Co xenocidio do Pobo Palestino a\u00ednda en marcha, Israel intensificou o seu expansionismo ocupando territorio de Siria despois de promover xunto cos Estados Unidos e a UE, de xeito m\u00e1is ou menos directo, a ca\u00edda do goberno de Al Assad para po\u00f1er no seu lugar aos antigos terroristas do ISIS, agora reconvertidos en “dignos mandatarios”. E por se fora pouco, levou adiante unha nova agresi\u00f3n a Ir\u00e1n co bombardeo dese pa\u00eds nun suposto “ataque preventivo”. Logo da resposta firme por parte de Ir\u00e1n, Estados Unidos bombardeou d\u00faas centrais nucleares Iran\u00edes, agravando a\u00ednda m\u00e1is a situaci\u00f3n en Oriente Medio e demostrando que os gobernos de Estados Unidos e Israel son un perigo para a seguridade dos pobos. E todo isto co seguidismo dunha UE incapaz de marcar unha pol\u00edtica internacional propia.<\/p>\n\n\n\n
O goberno dos Estados Unidos, exercendo de facto coma mando en xefe de todos os estados integrados na OTAN esixe aos pa\u00edses membros o aumento do gasto militar para contribu\u00edr a esa organizaci\u00f3n, algo que \u00e9 aceptado sen m\u00e1is polos membros da UE a pesares da evidencia dos p\u00e9simos resultados de seguir a pol\u00edtica marcada polos Estados Unidos: a UE, xunto con Ucra\u00edna e Rusia, \u00e9 unha das principais afectadas pola guerra entre estes dous \u00faltimos estados. Unha guerra promovida e alimentada por Estados Unidos coa colaboraci\u00f3n dunha Uni\u00f3n Europea que fai coma que ignora quen estoupou realmente o Nord Sream II.<\/p>\n\n\n\n
Ante estas esixencias de aumento do gasto militar, a UE non ten problema mesmo en modificar as regras fiscais para que o gasto militar non compute con respecto aos l\u00edmites de d\u00e9beda e d\u00e9ficit. Un d\u00e9ficit que si computar\u00eda se fora adicado a gasto social, demostr\u00e1ndose unha vez m\u00e1is que a finalidade da UE non \u00e9 o beneficio dos pobos que a integran se non o enriquecemento duns poucos.<\/p>\n\n\n\n
A este respecto a UE aprobou o plan “Rearmar Europa”, no que se contempla o aumento do gasto militar en 800.000.000.000\u20ac. Este rearme de Europa, ademais de pretender dar resposta ao espantallo da ameaza de Rusia e continuar coa destruci\u00f3n da Ucra\u00edna, xustific\u00e1base paradoxicamente nunha suposta independencia militar da UE ao mesmo tempo que se permanece nun organismo liderado polos Estados Unidos coma \u00e9 a OTAN.<\/p>\n\n\n\n
No que respecta ao aumento do gasto militar en Espa\u00f1a, o Goberno vendeu coma unha vitoria o feito de convencer a Mark Rutte para que Espa\u00f1a non te\u00f1a que chegar ao 5% do PIB no 2035 en gasto militar, pero o certo \u00e9 que no C\u00famio da OTAN celebrado o pasado mes de xu\u00f1o, o que manifestou Pedro S\u00e1nchez foi que “non cre\u00eda necesario ir m\u00e1is al\u00e1 do 2%” para cumprir coas obrigas coa OTAN ante uns membros esc\u00e9pticos. Isto quere dicir d\u00faas cousas: unha, que o compromiso de Espa\u00f1a coas esixencias da OTAN \u00e9 indiscutible e outra, que no caso de verse forzado, o Goberno de Espa\u00f1a subir\u00e1 o gasto en defensa o que se lle esixa. E de feito Mark Rutte xa est\u00e1 a falar do 3,5%. Non esquezamos que neste mesmo ano o Goberno de Espa\u00f1a aprobou un gasto adicional a sumar ao orzamento do 2025 de 10.471.000.000\u20ac para chegar ao 2% do gasto en defensa.<\/p>\n\n\n\n
Neste contexto de fortalecemento do imperialismo dos Estados Unidos e a OTAN e do belicismo da UE faise imprescindible, baixo pena de vernos arrastradas a unha espiral de aumento da violencia e recorte de dereitos sociais, o rexurdimento do movemento pola paz.<\/p>\n","protected":false},"excerpt":{"rendered":"