Desde As Silveiras queremos subli\u00f1ar a urxencia e a importancia de que existan espazos propios de encontro e debate feminista. Espazos onde pensarmos xuntas sobre as m\u00faltiples formas que adopta a desigualdade, a violencia e o control patriarcal, e onde tam\u00e9n imaxinarmos colectivamente unha vida m\u00e1is xusta para todas n\u00f3s. Refer\u00edmonos a lugares de reflexi\u00f3n pol\u00edtica compartida por mulleres, promovidos desde o movemento feminista e coa vontade de permaneceren abertos \u00e1 diversidade de voces e experiencias que o compo\u00f1en.<\/p>\n\n\n\n
Esta necesidade f\u00edxose especialmente visible no Congreso do activismo feminista galego<\/em> celebrado en Teo os d\u00edas 27 e 28 de setembro. Nel reun\u00edmonos numerosas mulleres organizadas en distintas asociaci\u00f3ns feministas \u2014algunhas delas tam\u00e9n vinculadas a partidos pol\u00edticos\u2014 cun obxectivo com\u00fan: afondarmos colectivamente nas cuesti\u00f3ns m\u00e1is relevantes que nos afectan como mulleres e como suxeito pol\u00edtico.<\/p>\n\n\n\n Falouse, entre outros temas, das ra\u00edces ideol\u00f3xicas do feminismo e do debate arredor do seu suxeito pol\u00edtico, da construci\u00f3n hist\u00f3rica do masculino e do feminino, desde a filosof\u00eda aos medios de comunicaci\u00f3n; da opresi\u00f3n das mulleres polo patriarcado relixioso; da situaci\u00f3n actual das mulleres trinta anos despois da conferencia de Beijing; da violencia estrutural contra as mulleres \u2014inclu\u00edda, por suposto, a prostituci\u00f3n\u2014, e tam\u00e9n da urxencia dunha coeducaci\u00f3n real con perspectiva feminista.<\/p>\n\n\n\n Un dos eixes centrais do congreso foi a relaci\u00f3n entre as mulleres e a pol\u00edtica, entendida nun sentido amplo: non s\u00f3 como participaci\u00f3n das mulleres nos partidos e nas instituci\u00f3ns, sen\u00f3n tam\u00e9n como as pol\u00edticas p\u00fablicas sobre as mulleres que se dese\u00f1an e aplican no d\u00eda a d\u00eda.<\/p>\n\n\n\n Neste contexto, lamentamos profundamente a ausencia da segunda forza pol\u00edtica de Galicia, que, tras ter confirmado a s\u00faa participaci\u00f3n na mesa sobre pol\u00edtica, decidiu finalmente cancelar a s\u00faa asistencia. As organizadoras recibiron unha explicaci\u00f3n de tipo ideol\u00f3xico que provocou perplexidade e malestar entre moitas asistentes.<\/p>\n\n\n\n Desde a nosa asociaci\u00f3n consideramos que este tipo de decisi\u00f3ns, m\u00e1is al\u00e1 do contido concreto das s\u00faas xustificaci\u00f3ns, evidencian unha preocupante falta de vontade para escoitar, compartir e debater co movemento feminista organizado. O feminismo \u00e9 unha forza social e pol\u00edtica imprescindible para a transformaci\u00f3n democr\u00e1tica da sociedade. Se non se escoita o feminismo, se se foxe do debate, estase relegando unha parte fundamental do pensamento cr\u00edtico e est\u00e1selle virando as costas \u00e1 metade da humanidade.<\/p>\n\n\n\n E unha cousa temos clara: as feministas imos seguir falando, debatendo e pensando xuntas. Porque ese pensamento colectivo \u00e9, hoxe m\u00e1is ca nunca, imprescindible. Por isto, agradecemos fondamente a Terra Feminarum, como organizadora, e \u00e1s demais asociaci\u00f3ns colaboradoras, por sementaren este espazo de encontro. Sabemos que deste traballo colectivo nacer\u00e1n novos debates, alianzas e cami\u00f1os compartidos.<\/p>\n","protected":false},"excerpt":{"rendered":"