O Porri\u00f1o, 25 de novembro de 2025.<\/strong><\/p>\n\n\n\n O Porri\u00f1o celebra este 25 de novembro cunha intensa xornada de actos polo D\u00eda Internacional da Eliminaci\u00f3n da Violencia \u00e1 Muller, marcada pola inauguraci\u00f3n oficial da nova Praza 25N, un espazo dedicado \u00e1 memoria das v\u00edtimas e ao compromiso colectivo contra a violencia machista.<\/p>\n\n\n\n A programaci\u00f3n comezou onte coa colocaci\u00f3n do lazo morado na fachada do Concello. Hoxe ao mediod\u00eda instalouse o Punto Violeta na Praza do Concello, seguido do acto de inauguraci\u00f3n da Praza 25N, fronte a igrexa parroquial de Santa Mar\u00eda do Porri\u00f1o, acompa\u00f1ada dunha peza de viol\u00edn que deu inicio a un momento especialmente emotivo.<\/p>\n\n\n\n Tralo descubrimento da placa, o alcalde Alejandro Lorenzo lembrou que se trataba dun compromiso adquirido en pleno e que agora se fai realidade. \u201cEsta praza, ata agora sen nome, pasa a chamarse oficialmente Praza 25N, en homenaxe a todas as mulleres v\u00edtimas de violencia machista\u201d. O rexedor subli\u00f1ou que a loita non debe reducirse a un \u00fanico d\u00eda, sen\u00f3n que \u00e9 unha responsabilidade de toda a sociedade cada d\u00eda do ano. \u201cCada recuncho desta praza lembrar\u00e1 non s\u00f3 \u00e1s v\u00edtimas, sen\u00f3n tam\u00e9n a necesidade de educar en igualdade, promover o respecto e constru\u00edr relaci\u00f3ns libres de violencia\u201d. Pechou desexando que este novo espazo se convertese nun lugar \u201cde reflexi\u00f3n, de memoria e de compromiso colectivo\u201d.<\/p>\n\n\n\n Un dos momentos m\u00e1is destacados foi o lazo humano formado polo alumnado de 2\u00ba e 4\u00ba da ESO do colexio Hermanos Quiroga, que portaba cartolinas moradas cos nomes das 39 v\u00edtimas mortais deste ano.<\/p>\n\n\n\n Antes de iniciar a lectura de cada una desas v\u00edtimas, a concelleira de Igualdade, Carolina Gonz\u00e1lez, destacou que o 25N \u00e9 \u201cun d\u00eda de recordo, reflexi\u00f3n e compromiso coa prevenci\u00f3n e eliminaci\u00f3n da violencia machista\u201d. Subli\u00f1ou que \u201co respecto non \u00e9 s\u00f3 unha palabra, sen\u00f3n un modo de vida\u201d e lembrou que cada asasinato \u201c\u00e9 unha ferida colectiva que obriga a continuar alzando a voz\u201d. Alertou tam\u00e9n sobre as violencias coti\u00e1s \u2014insultos, humillaci\u00f3ns, silencios\u2014 e insistiu en que \u201ceducar en valores deb\u00eda seguir sendo unha prioridade\u201d. A concelleira reafirmou o compromiso do Concello coa creaci\u00f3n de espazos seguros e coa colaboraci\u00f3n con centros educativos, asociaci\u00f3ns, familias e cidadan\u00eda para constru\u00edr \u201cun lugar libre, sen medo e xusto\u201d.<\/p>\n\n\n\n A continuaci\u00f3n, cada estudante foi abandonando a formaci\u00f3n do lazo para achegarse ao micr\u00f3fono e ler o nome da v\u00edtima correspondente, regresando logo ao seu sitio para depositar unha rosa morada sobre a s\u00faa cartolina. O alcalde Alejandro Lorenzo foi o encargado de portar a \u00faltima das cartolinas,<\/p>\n\n\n\n correspondente \u00e1 v\u00edtima n\u00famero 39, unha muller de 60 anos asasinada en M\u00e1laga o pasado s\u00e1bado. Tras nomeala, pediu gardar un minuto de silencio, afirmando que \u201cO Porri\u00f1o \u00e9rguese unido para lembrar \u00e1s mulleres asasinadas e para reafirmar que non imos tolerar nin un s\u00f3 paso atr\u00e1s\u201d. A continuaci\u00f3n procedeuse \u00e1 lectura do manifesto institucional por parte da Ilustre Se\u00f1ora Xu\u00edza Mar\u00eda Jes\u00fas Mosteiro, encargada do Xulgado de violencia sobre a muller, no que se reafirmou o compromiso coa defensa dos dereitos humanos e coa erradicaci\u00f3n de todas as formas de violencia machista. A xu\u00edza subli\u00f1ou \u201ca necesidade de pol\u00edticas p\u00fablicas eficaces, a importancia da prevenci\u00f3n, a coordinaci\u00f3n institucional, a formaci\u00f3n de profesionais e a garant\u00eda de recursos accesibles para as v\u00edtimas e os seus fillos e fillas\u201d. Con firmeza, conclu\u00edu que \u201cs\u00f3 mediante o compromiso colectivo poderemos avanzar cara a unha sociedade libre de violencia machista\u201d.<\/p>\n\n\n\n Un concerto de corda e piano da Escola Municipal de M\u00fasica puxo o broche emocional a unha programaci\u00f3n na que O Porri\u00f1o reivindicou, con unidade e determinaci\u00f3n, unha vida libre de violencia para todas as mulleres.<\/p>\n","protected":false},"excerpt":{"rendered":"