{"id":15555,"date":"2026-03-27T10:00:35","date_gmt":"2026-03-27T09:00:35","guid":{"rendered":"https:\/\/www.anovapeneira.gal\/?p=15555"},"modified":"2026-03-20T09:45:59","modified_gmt":"2026-03-20T08:45:59","slug":"xxxviii-festa-da-ostra-de-arcade","status":"publish","type":"post","link":"https:\/\/www.anovapeneira.gal\/index.php\/2026\/03\/27\/xxxviii-festa-da-ostra-de-arcade\/","title":{"rendered":"XXXVIII Festa da Ostra de Arcade"},"content":{"rendered":"\n

A parroquia de Arcade, no concello de Soutomaior, volver\u00e1 converterse no coraz\u00f3n do sabor do mar das R\u00edas Baixas coa celebraci\u00f3n da XXXVIII edici\u00f3n da Festa da Ostra, unha cita que cada ano re\u00fane a miles de visitantes arredor dun dos produtos m\u00e1is emblem\u00e1ticos da Enseada de San Sim\u00f3n. A festa ter\u00e1 lugar os d\u00edas 3, 4 e 5 de abril, a\u00ednda que as actividades comezar\u00e1n xa a finais de marzo.<\/h4>\n\n\n\n

Unha festa con m\u00e1is de tres d\u00e9cadas de historia. A primeira edici\u00f3n celebrouse en 1987<\/strong>, impulsada polos propios ostricultores da zona, que viron na vila de Arcade o lugar id\u00f3neo para organizar unha celebraci\u00f3n arredor deste molusco. Non era casualidade: a localidade fora pioneira no consumo, na comercializaci\u00f3n e mesmo na exportaci\u00f3n da ostra, que desde aqu\u00ed chegaba non s\u00f3 a diferentes puntos de Espa\u00f1a, sen\u00f3n tam\u00e9n a diversos pa\u00edses europeos.<\/h2>\n\n\n\n

A iniciativa naceu coa intenci\u00f3n de potenciar o consumo da ostra e po\u00f1er en valor un produto clave na econom\u00eda da zona, <\/strong>ao tempo que se proxectaba a imaxe de Arcade como un dos principais referentes na produci\u00f3n e venda deste apreciado marisco.<\/p>\n\n\n\n

Desde os seus comezos, a organizaci\u00f3n da festa contou coa implicaci\u00f3n de Ostricultores, hostaleiros e comerciantes que colaboran cada ano co Concello de Soutomaior para sacar adiante unha celebraci\u00f3n que co paso do tempo se consolidou como unha das citas gastron\u00f3micas m\u00e1is destacadas de Galiza, reco\u00f1ecida oficialmente como Festa de Interese Tur\u00edstico en 2002.<\/strong><\/p>\n\n\n\n

A elecci\u00f3n do primeiro fin de semana de abrilpara a s\u00faa celebraci\u00f3n tampouco \u00e9 casualidade. Segundo explican os produtores, \u00e9 nesta \u00e9poca cando a ostra se atopa nas mellores condici\u00f3ns biol\u00f3xicas para a s\u00faa degustaci\u00f3n, o que garante a m\u00e1xima calidade do produto.<\/p>\n\n\n\n

Ao longo da historia, a ostra estivo rodeada de lendas. Tradicionalmente atrib\u00faeselle un car\u00e1cter afrodis\u00edaco,<\/strong> e dise que o m\u00edtico sedutor Casanova recorr\u00eda a elas para recuperarse dos seus excesos amorosos. Xa na antiga Grecia, as cunchas deste molusco utiliz\u00e1banse para votar en Atenas: nelas escrib\u00edase o nome do pol\u00edtico que se quer\u00eda expulsar do goberno, e quen recib\u00eda m\u00e1is votos era condenado ao ostracismo, un desterro que pod\u00eda prolongarse durante cen anos.<\/p>\n\n\n\n

O escritor \u00c1lvaro Cunqueiro tam\u00e9n quixo deixar o seu particular tributo a este produto e definiu a ostra como \u201cun manxar esencial para abrir unha mariscada\u201d <\/em>e asegurou que pos\u00fae \u201cun sabor espiritual, que \u00e9 como unha saudade do<\/em> mar\u201d<\/em>.<\/p>\n\n\n\n

O pasado once de marzo a festa foi presentado no peirao de Arcade, coa enseada como pano de fondo, nun acto no que participaron o alcalde de Soutomaior, Manu Lourenzo, a directora xeral de Desenvolvemento Pesqueiro, \u00c1ngeles V\u00e1zquez, membros da corporaci\u00f3n municipal, viticultores e representantes do sector hostaleiro.<\/p>\n\n\n\n

Durante a presentaci\u00f3n, o rexedor destacou que a festa \u00e9 \u201cun evento feito co maior dos agarimos e coidados,<\/em> tr\u00e1tase dunha festa de uni\u00f3n que enxalzar\u00e1 o produto m\u00e1is t\u00edpico da parroquia de Arcade, unha festa de interese tur\u00edstico \u00e1 que convido a vir a todo o mundo a descubrir e degustar a Ostra, do nos Albari\u00f1o de Soutomaior e a co\u00f1ecer todos os atractivos do noso concello<\/em>\u201d. Evento pensado para po\u00f1er en valor o produto m\u00e1is representativo da parroquia. Lourenzo convidou a visitantes e veci\u00f1anza a achegarse a Arcade para degustar as ostras e os vi\u00f1os da zona, especialmente o albari\u00f1o elaborado no propio concello.<\/p>\n\n\n\n

O alcalde tam\u00e9n subli\u00f1ou o traballo realizado durante meses para preparar unha edici\u00f3n que aspira a ser \u201ca mellor ata o momento\u201d,<\/em> combinando gastronom\u00eda, m\u00fasica e promoci\u00f3n do produto local. A ostra volver\u00e1 ser a gran protagonista da celebraci\u00f3n, cunha maridaxe destacada co albari\u00f1o de Soutomaior.<\/p>\n\n\n\n

A pregoeira desta edici\u00f3n ser\u00e1 a veci\u00f1a Mar\u00eda Codesido Garc\u00eda, \u00e1 que o Concello quere reco\u00f1ecer pola s\u00faa traxectoria persoal marcada pola disciplina, a constancia e a superaci\u00f3n. Segundo palabras do alcalde: \u201cMar\u00eda \u00e9 unha persoa que traballa incansablemente para conseguir as s\u00faas metas. Unha persoa que \u00e9 unha referente para todas e todos n\u00f3s, pois a s\u00faa traxectoria demostra que a pesar das adversidades non nos podemos render nin desilusionar, xa que, \u00e9 posible sobreporse a todas as dificultades e loitar ata conseguir os nosos obxectivos. Con tal motivo, este ano a pregoeira ser\u00e1 a nosa veci\u00f1a, Mar\u00eda Codesido Garc\u00eda. Unha muller que \u00e9 un claro exemplo de disciplina, seriedade, constancia, tenacidade, perseveranza, modestia e valores para conseguir o que nos propo\u00f1amos\u201d .<\/em><\/p>\n\n\n\n

Pola s\u00faa banda, a directora xeral de Desenvolvemento Pesqueiro destacou o valor da festa como homenaxe ao sector do mar e ao traballo das persoas vinculadas a el. Tam\u00e9n puxo en valor o proxecto Ostreares, impulsado pola Confrar\u00eda de Arcade.<\/p>\n\n\n\n

A organizaci\u00f3n agarda superar as 30.000 persoas asistentes, que poder\u00e1n degustar as ostras a prezos populares: 10 euros a ducia, mentres que as botellas de albari\u00f1o de Soutomaior manteranse en 12 euros. Como novidade este ano as casetas xa abriran o venres por cadrar coa Semana Santa.<\/p>\n\n\n\n

Ademais da degustaci\u00f3n tradicional, tam\u00e9n haber\u00e1 propostas gastron\u00f3micas m\u00e1is elaboradas da man da experiencia Os Tres, que este ano incl\u00fae como protagonista a: crujiente de gamba con tartar de ostra, ostra en escabeche tradicional ou ostra marinada en teriyaki sobre crema de aguacate e caviar de arenque<\/em>.<\/p>\n\n\n\n

Programaci\u00f3n completa:<\/strong><\/p>\n\n\n\n

29 de marzo<\/strong><\/p>\n\n\n\n

Celebraci\u00f3n da 7K Soutomaior e da Carreira Infantil da Ostra (inscrici\u00f3n gratu\u00edta).<\/p>\n\n\n\n

Madrugada do 1 ao 2 de abril<\/strong><\/p>\n\n\n\n

Programa especial \u201cPensando en ti\u201d da Radio Galega, en directo desde o Multiusos de Arcade.<\/p>\n\n\n\n

Venres, 3 de abril<\/strong><\/p>\n\n\n\n