Despois de revisar o plan da Xunta de Galicia, para a reactivaci\u00f3n do sector cultural, e cavilar sobre as medidas presentadas referentes as \u201cartes pl\u00e1sticas\u201d, concretamente, as orientadas a fomentar a actividade levada a cabo por artistas, queremos manifestar publicamente a nosa desconformidade.<\/p>\n\n\n\n
A grandes rasgos podemos subli\u00f1ar que estas medidas protexen fundamentalmente \u00e1 industria cultural e \u00e1 tur\u00edstica deixando de lado a materia prima do \u00e1mbito art\u00edstico, as e os artistas. Se ben compartimos a necesidade de apoiar as empresas do sector cultural, non entendemos que, unha vez m\u00e1is, sexa a figura do artista, a m\u00e1is vulnerable.<\/p>\n\n\n\n
Pensamos que este plan e pouco preciso e non mostra no seu contido o detalle no que se desenvolver\u00e1n ditas medidas. Por outra banda, os enunciados expostos no plan, par\u00e9cennos, nalg\u00fans casos, sen sentido. Nestas circunstancias non se adaptan \u00e1 realidade dos e das artistas visuais en Galicia.<\/p>\n\n\n\n
Dito o cal, gustar\u00edanos subli\u00f1ar nos seguintes ep\u00edgrafes, certas apreciaci\u00f3ns xerais sobre as devanditas medidas:<\/p>\n\n\n\n
– O requisito de rango de idade para poder competir ou optar a unha axuda para producci\u00f3n de proxectos ou compra de obra \u00e9, nestes momentos, un desprop\u00f3sito e roza a falta de respecto cara o traballo das e dos artistas visuais residentes en Galicia. As e os artistas, de todas as idades, estanse vendo afectados polas circunstancias derivadas do COVID-19. Adem\u00e1is, pedimos encarecidamente que os procesos de compra ou desfrute dunha axuda por parte dun artista sexa froito dun proceso p\u00fablico de concorrencia competitiva e con garant\u00edas. Debemos subli\u00f1ar neste punto a necesidade de que as compras de obra ou encargos a artistas real\u00edcense directamente cos autores, sen empresas intermediarias.<\/p>\n\n\n\n
– A Realizaci\u00f3n do Encontro de Artistas Novos, EAN, non pode considerarse coma unha medida de reactivaci\u00f3n porque xa exist\u00eda previamente ao estado de alarma. Realizar un encontro de artistas na actual situaci\u00f3n, adem\u00e1is de parecernos inviable tendo en conta as condici\u00f3ns sanitarias, non incide directamente na reactivaci\u00f3n do traballo das e dos artistas. Hai que ter en conta que este tipo de encontros non sup\u00f3n ning\u00fan tipo de r\u00e9dito econ\u00f3mico para as e os creadores, m\u00e1is al\u00f3 do mero feito promocional. Todos os beneficios econ\u00f3micos deste tipo de actividades redundan no propio ente organizativo e nos servizos subcontratados.<\/p>\n\n\n\n
– Al\u00e9granos saber que se tomar\u00e1n medidas para apoiar \u00e1 Asociaci\u00f3n Contempor\u00e1nea de Galer\u00edas de Arte de Galicia. Por\u00e9n, non aparece ning\u00fan tipo de apoio para cooperativas formadas por artistas, artistas aut\u00f3nomos ou asociaci\u00f3ns de artistas. Este tipo de discriminaci\u00f3ns afonda, a\u00ednda m\u00e1is, na situaci\u00f3n de vulnerabilidade e de exclusi\u00f3n social das e dos artistas.<\/p>\n\n\n\n
No plan de reactivaci\u00f3n tampouco existen medidas especificas para as e os artistas, como s\u00ed aparecen para empresas e xestores culturais, orientadas a s\u00faa formaci\u00f3n, profesionalizaci\u00f3n e mellora da s\u00faa competitividade. As e os artistas existen e te\u00f1en as mesmas necesidades profesionais que o resto dos axentes de calquera eido. As\u00ed pois, tam\u00e9n merecen programas de formaci\u00f3n, profesionalizaci\u00f3n e asesoramento.<\/p>\n\n\n\n
As medidas dirixidas \u00e1s \u201cartes pl\u00e1sticas\u201d par\u00e9cennos insuficientes e ineficaces para a mellora da vida profesional dos artistas no eido cultural galego. Pensamos que esta situaci\u00f3n de crise \u00e9 un bo momento, incluso unha oportunidade, para facer as cousas doutro xeito e, se cabe, empezar a sentar as bases dun \u00e1mbito art\u00edstico e sector cultural m\u00e1is estable, productible e sostible a longo prazo. Unha oportunidade para reverter a discriminaci\u00f3n hist\u00f3rica que, a pr\u00e1ctica profesional levada a cabo por artistas en Galicia, sofre no seu propio eido profesional, o cultural.<\/p>\n\n\n\n
Inda estamos a tempo e seguiremos a disposici\u00f3n das administraci\u00f3ns para axudar a mellorar a actividade profesional dos e das artistas en Galicia.<\/p>\n","protected":false},"excerpt":{"rendered":"