{"id":4739,"date":"2021-01-27T12:00:49","date_gmt":"2021-01-27T11:00:49","guid":{"rendered":"http:\/\/www.anovapeneira.gal\/?p=4739"},"modified":"2021-01-24T09:21:28","modified_gmt":"2021-01-24T08:21:28","slug":"orzamentos-2021-e-para-marin-que","status":"publish","type":"post","link":"https:\/\/www.anovapeneira.gal\/index.php\/2021\/01\/27\/orzamentos-2021-e-para-marin-que\/","title":{"rendered":"Orzamentos 2021, e para Mar\u00edn que?"},"content":{"rendered":"\n
\"Pedro
Pedro M. Cortegoso Gago Traballador do Centro de Sa\u00fade de Moa\u00f1a<\/figcaption><\/figure>\n\n\n\n

Se os orzamentos do estado son malos para Galiza os da Xunta para o ano 2021 non son mellores. Buscando Mar\u00edn polos centos de p\u00e1xinas s\u00f3 atoparemos unhas poucas veces o nome da nosa vila. Mais concretamente s\u00f3 aparecen as seguintes partidas directas: mellora do colector xeral por 219,115\u20ac, mellora do saneamento do r\u00edo Lameira por 500,835\u20ac, e gastos de capital en partidas de d\u00faas consellar\u00edas por 719,950\u20ac e 130,000\u20ac respectivamente.<\/p>\n\n\n\n

Ulos cartos para o auditorio? Agochados nun convenio, o mesmo que o centro de d\u00eda da Casa do Mar. E xa sabemos que pasa con eses convenios, xa sabemos en Mar\u00edn canto tempo, cantos anos, tardou en facerse realidade o novo centro de sa\u00fade.<\/p>\n\n\n\n

Como ven sendo habitual nos orzamentos do PP para o 2021 hai moitas partidas xen\u00e9ricas, que serven para que as distintas consellar\u00edas repartan os cartos discrecionalmente e de xeito caciquil. Quedan no ar moitos miles de euros que hoxe non sabemos onde van parar, e ma\u00f1\u00e1 ser\u00e1n repartidos en moitos convenios feitos \u00e1 carta. Unha indefinici\u00f3n orzamentaria para favorecer sempre aos concellos e \u00e1s empresas \u201camigas\u201d.<\/p>\n\n\n\n

A nosa alcaldesa-deputada valora positivamente estes orzamentos e, fac\u00e9ndose trampas ao solitario, mete no mesmo lote dos investimentos para Mar\u00edn obras xen\u00e9ricas en concellos lim\u00edtrofes. Infraestruturas como o novo Hospital de Montecelo, a mellora da vella estrada a Pontevedra, o Plan de Transporte Metropolitano… \u00c9 dicir plans xen\u00e9ricos que van beneficiar a moitos pero que non se poden considerar como propios do noso concello. B\u00f3talle moita imaxinaci\u00f3n para tapar as carencias dunhas contas que quedan curtas, unha vez mais, con Mar\u00edn<\/p>\n\n\n\n

E por se t\u00ed\u00f1amos d\u00fabidas das formas de facer do PP na Xunta, estes d\u00edas volveu sa\u00edr publicamente a nosa alcaldesa-deputada a po\u00f1er a venda antes da ferida, bot\u00e1ndolle a culpa \u00e1 pandemia dos pos\u00edbeis atrasos nas obras do colector e do auditorio.<\/p>\n\n\n\n

Un concello da dimensi\u00f3n do noso deber\u00eda ter uns maiores investimentos que permitiran dotarnos dos servizos necesarios para non ter que ir buscalos a outros concellos. Precisamos maior atenci\u00f3n aos maiores, aos novos, unha biblioteca digna, unha oferta cultural de calidade, solucionar o problema da carest\u00eda de vivenda, unha mellor protecci\u00f3n do noso rico e variado patrimonio hist\u00f3rico e arqueol\u00f3xico, etc.<\/p>\n\n\n\n

Por iso o BNG presentou as seguintes emendas aos orzamentos con obras e investimentos que consideramos necesarios para Mar\u00edn e complementan a proposta actual:<\/p>\n\n\n\n