Tui. Luns, 4 de abril de 2022<\/strong><\/p>\n\n\n\n Tui vai celebrar as Festas de San Telmo 2022 do 16 ao 25 deste mes de abril cun programa \u201cambicioso, moi completo e innovador\u201d. As\u00ed o explicaba esta ma\u00f1\u00e1 o alcalde, Enrique Cabaleiro, na presentaci\u00f3n dos festexos patronais, na que participaron tam\u00e9n a concelleira de Cultura, Sonsoles Vicente, a concelleira de Comercio, Emprego, Formaci\u00f3n e Igualdade, Ana N\u00fa\u00f1ez, o concelleiro de Medio Rural e Deportes, Rafael Est\u00e9vez, e o concelleiro de Seguridade e Persoal, Jos\u00e9 Ram\u00f3n Mag\u00e1n.<\/p>\n\n\n\n O inicio da festa ter\u00e1 lugar co preg\u00f3n popular que ler\u00e1 o actor Lu\u00eds Zahera o s\u00e1bado 16 \u00e1s 11.45 h na praza da Inmaculada. O alcalde de Tui, Enrique Cabaleiro, explicaba que \u201cse cambiou a filosof\u00eda do preg\u00f3n porque entendiamos que deb\u00eda ter un car\u00e1cter m\u00e1is popular e festivo\u201d. Engad\u00eda que o acto institucional pasa a ser a gala de entrega dos premios Cidade de Tui, que ter\u00e1 lugar o mesmo s\u00e1bado \u00e1s 19.30 h no Teatro Municipal \u201cnos que se reco\u00f1ecer\u00e1 a unha persoa e a un colectivo que dalgunha forma a s\u00faa traxectoria estea baseada na implicaci\u00f3n na cidade dende moitos puntos de vista\u201d.<\/p>\n\n\n\n Explicaba tam\u00e9n o rexedor tudense que outra das apostas deste ano \u00e9 a deslocalizaci\u00f3n das actividades que se celebrar\u00e1n en at\u00e9 seis puntos da cidade con eventos festivos. Ser\u00e1 as\u00ed o Paseo da Corredoira, a r\u00faa Compostela, as prazas de San Fernando e San Telmo, o edificio Francisco S\u00e1nchez, e o espazo feira na prolongaci\u00f3n da traves\u00eda da r\u00faa Casal Aboy.<\/p>\n\n\n\n A concelleira de Ensino e Cultura, Sonsoles Vicente, indicou que logo de dous anos as festas cel\u00e9branse este ano \u201ccun programa ao uso\u201d. A m\u00fasica moi presentes nestes festexos segundo explicaba a concelleira con concertos de grupos coma Efecto Pasillo, xunto a outras agrupaci\u00f3ns emerxentes e da zona coma Micalip\u2019s, No All Kansas, Rockin’ Gina & The Sentinels, Laura LaMontagne & PicoAmperio + Dj Enter + G Face + Dj Adrian L, e Lucky Duckies. As charangas tudenses Cantos Somos e A Tu Ritmo actuar\u00e1n polas r\u00faas, ao igual que a Escola de Gaita e Percusi\u00f3n \u201cA Insua\u201d de Caldelas, a Banda de Gaitas \u201cArume\u201d de Malvas, e a Banda de Gaitas \u201cSan Xoan\u201d de Paramos que actuar\u00e1 na praza de San Fernando. Tam\u00e9n protagonizar\u00e1n pasarr\u00faas Troula Animaci\u00f3n e H\u00edpica Celta.<\/p>\n\n\n\n Non faltar\u00e1 o son das bandas de m\u00fasica coa Banda de M\u00fasica Popular de Tui, xunto \u00e1s de Salvaterra, Mon\u00e7ao, Lanhelas, e a da Escola Naval Militar de Mar\u00edn. O p\u00fablico familiar poder\u00e1 gozar na carpa da Corredoira coa maxia de Samuel Moreno, o circo de Cia Assircopatas, a m\u00fasica de Pakolas e Odaiko, e o teatro con Culturactiva.<\/p>\n\n\n\n Avanzou tam\u00e9n Sonsoles Vicente que da man do festival M\u00fasica no Claustro o domingo 24 na Catedral recuperarase a Misa medieval de San Telmo co concerto de Seconda Pratica de canto gregoriano.<\/p>\n\n\n\n O domingo 17 \u00e1s 17.30 h celebrarase no Teatro Municipal o Festival Folcl\u00f3rico coa participaci\u00f3n dos grupos locais Traxe Tradicional, Seixos Albos de Areas, Lembranzas da Terra de Guillarei, Inquedanzas de Pazos de Reis, O Mosteiro de Pexegueiro, Xuntanza de Randufe, San Fins de Rebord\u00e1ns, Santa Columba de Ribadelouro) e San Telmo. Do mesmo xeito regresa tam\u00e9n a Semana do Teatro Amador cos grupos San Fins de Rebord\u00e1ns, Aloia de Pazos de Reis, Atalaia do Centro Sociocomunitario Chirlomirlo de Xuntanza de Randufe, estreando todos eles novas montaxes.<\/p>\n\n\n\n As corais tudenses do Centro Sociocomunitario, Ponte das Febres, e San Telmo actuar\u00e1 tam\u00e9n estes festexos no centro de d\u00eda Amoralia, e nas residencias Paz e Ben e San Telmo.<\/p>\n\n\n\n Outra das novidades deste ano ser\u00e1 o fin de festa, o luns 25, cunha tirada de Fogos Piromusicais.<\/p>\n\n\n\n A gastronom\u00eda ser\u00e1 outro dos pratos fortes destes festexos. Do 8 ao 25 deste mes celebrarase a Festa do Meix\u00f3n que ser\u00e1 presentada este xoves. E o s\u00e1bado 16 e domingo 17 na praza da Inmaculada celebrarase o I Encontro de Vi\u00f1os da Raia. Con este evento, coma sinalou a concelleira Ana N\u00fa\u00f1ez, \u201db\u00fascase promocionar as adegas locais, da contorna e da outra beira do Mi\u00f1o\u201d. Explicaba que participar\u00e1n dez adegas de pequenos produtores que presentar\u00e1n vi\u00f1os brancos, tintos e espumosos.<\/p>\n\n\n\n O deporte est\u00e1 presente neste programa coa Carreira Popular de San Telmo que se celebrar\u00e1 o o s\u00e1bado 23 organizada polo Club Atletismo Tui, coa Andaina Popular de San Telmo organizada polo club Andatui o domingo 24, e coa Feira Cabalar en San Bartolomeu que ter\u00e1 lugar o luns 25, D\u00eda de San Telmo, coa implicaci\u00f3n da Asociaci\u00f3n de Veci\u00f1os de San Roque e San Bartolomeu, o Club Equigalia, H\u00edpica Marcos, e a Pe\u00f1a Cabalar Valle do Louro coma explicaba o concelleiro de Deporte, Rafael Est\u00e9vez.<\/p>\n\n\n\n O concelleiro de Seguridade, Jos\u00e9 Ram\u00f3n Mag\u00e1n, avanzou que xa dende esta Semana Santa e logo na fin de semana de San Telmo darase protagonismo \u00e1s persoas coa peonalizaci\u00f3n dun tramo de Augusto Besada e da Corredoira, do mesmo xeito que indicaba que na traves\u00eda da r\u00faa Casal Aboy, haber\u00e1 restrici\u00f3ns no tr\u00e1fico cando se celebren concertos neste emprazamento.<\/p>\n","protected":false},"excerpt":{"rendered":"