{"id":7287,"date":"2022-04-13T12:00:29","date_gmt":"2022-04-13T10:00:29","guid":{"rendered":"https:\/\/www.anovapeneira.gal\/?p=7287"},"modified":"2022-04-08T20:13:42","modified_gmt":"2022-04-08T18:13:42","slug":"via-galega-convoca-a-manifestacion-co-lema-somos-unha-nacioncon-saida-o-domingo-24-de-abril-as-1130","status":"publish","type":"post","link":"https:\/\/www.anovapeneira.gal\/index.php\/2022\/04\/13\/via-galega-convoca-a-manifestacion-co-lema-somos-unha-nacioncon-saida-o-domingo-24-de-abril-as-1130\/","title":{"rendered":"V\u00eda\u00a0Galega\u00a0convoca\u00a0a\u00a0manifestaci\u00f3n\u00a0co\u00a0lema\u00a0\u201cSomos\u00a0unha\u00a0naci\u00f3n\u201dcon\u00a0sa\u00edda\u00a0o\u00a0domingo\u00a024\u00a0de\u00a0abril \u00e1s\u00a011:30\u00a0da\u00a0alameda\u00a0de\u00a0Compostela"},"content":{"rendered":"\n

A Plataforma V\u00eda Galega convoca a manifestaci\u00f3n co lema \u201cSomos unha naci\u00f3n\u201d con sa\u00edda o domingo 24 de abril \u00e1s 11:30 da alameda de Compostela cos obxectivos de crear m\u00e1is conciencia nacional e de reforzar a autoestima colectiva como Pa\u00eds.

Na rolda de prensa da presentaci\u00f3n estiveron Anxo Louzao, portavoz de V\u00eda Galega; e leron o manifesto Neves Rodr\u00edguez, comunicadora e actriz; Marta Dacosta, escritora e profesora; e Pablo Carracedo \u201cJasper\u201d, m\u00fasico, vocalista de Nao e profesor. Tam\u00e9n asistiron en representaci\u00f3n das m\u00e1is de 60 entidades que conforman esta plataforma Paulo Carril, secretario xeral da CIG; Marcos Maceira, presidente da Mesa pola Normalizaci\u00f3n Ling\u00fc\u00edstica; Bel\u00e9n Rodr\u00edguez, da directiva de ADEGA; Manuel da Cal, coordenador xeral de FRUGA; Manuel Agra, de Erguer; Lucia Veci\u00f1o, da Fundaci\u00f3n Galiza Sempre; Mar\u00eda Antonia P\u00e9rez, presidenta da A.C. O Galo; e os membros membros da Coordenadora de V\u00eda Galega Rafael Iglesias, Adri\u00e1n Bravo, Olaia Chaves e Ant\u00f3n Laxe.

Manifesto \u201cSomos unha naci\u00f3n\u201d [1<\/a>]

Este mes de abril conmem\u00f3ranse os 176 anos daquel abril de 1846, que Manuel Mar\u00eda denominou \u201cabril de lume e ferro\u201d en que se sucederon numerosos levantamentos, pronunciamentos, proclamas e a creaci\u00f3n da \u201cXunta Superior do Goberno de Galiza\u201d que xa denunciaba que Galiza estaba \u201cconvertida nunha verdadeira colonia da corte\u201d. Esta revoluci\u00f3n de abril de 1846 rematou, desgraciadamente, o 26 de abril, co fusilamento en Carral, dos \u201cM\u00e1rtires da Liberdade\u201d. \u201cEstamos ante un fito hist\u00f3rico que estaba colocando os alicerces do nacionalismo soberano e emancipador de hoxe\u201d, explicou Anxo Louzao.

\u201cPor iso, desde V\u00eda Galega, consciente da necesidade de lembrar e reco\u00f1ec\u00e9rmonos na nosa historia que durante cinco s\u00e9culos se nos negou, ocultou ou manipulou, optamos por, como xa o fixemos o ano pasado, por convocar manifestaci\u00f3n nacional baixo o lema: \u201cSomos unha naci\u00f3n\u201d.

Ademais de lembrar e reco\u00f1ecer esta efem\u00e9ride da nosa historia, \u00e9 motivaci\u00f3n fundamental desta mobilizaci\u00f3n \u201cesixir os nosos dereitos nacionais, como naci\u00f3n que somos\u201d. \u201cNon s\u00f3 temos todos os trazos que definen a unha naci\u00f3n, sen\u00f3n que temos a vontade de existir politicamente; somos unha naci\u00f3n disposta a responsabilizarnos do noso futuro como Pobo, sen subordinaci\u00f3n nin dependencias, e pretendemos desterrar a falacia de que somos un Pa\u00eds subsidiado\u201d, explicou. \u201cMais, o que si somos \u00e9 un Pa\u00eds oprimido, explotado e negado; e por iso, esiximos exercer o dereito inalien\u00e1bel que lle asiste as todas as naci\u00f3ns do mundo: o dereito \u00e1 autodeterminaci\u00f3n, o dereito a decidir
por n\u00f3s mesmos e mesmas\u201d, engadiu o portavoz de V\u00eda Galega, \u201cporque \u00e9 \u00fanica maneira de garantir un futuro sen emigraci\u00f3n, maior benestar social e traballo digno para todos e todas\u201d.

A crise que Galiza v\u00e9n arrastrando desde o 2008 neste momento faise insoport\u00e1bel pola escandalosa escalada dos prezos, superando en moitos produtos b\u00e1sicos o 50%. \u201cA inflaci\u00f3n non s\u00f3 \u00e9 maior en Galiza, sen\u00f3n que se manifesta con maior virulencia debido a que temos uns dos salarios m\u00e1is baixos do Estado espa\u00f1ol e as segundas pensi\u00f3ns m\u00e1is reducidas, cuxa media non supera os 866 euros, ao tempo que padecemos un desmantelamento industrial cr\u00f3nico\u201d, expuxo.

\u201cComo sabemos, Galiza exporta o 30% da electricidade que produce, por\u00e9n, non temos nin tarifa el\u00e9ctrica galega, nin ningunha empresa p\u00fablica do sector, tendo que pagar a electricidade a prezos desorbitados, condenando \u00e1s clases populares \u00e1 pobreza enerx\u00e9tica\u201d, advertiu. O m\u00e1is escandaloso \u00e9 que mentres isto sucede, as el\u00e9ctricas ingresaron o ano pasado 2.700 mill\u00f3ns de euros da enerx\u00eda producida en Galiza deix\u00e1ndonos exclusivamente os prexu\u00edzos ambientais e sociais.

As\u00ed, considera que \u201cc\u00f3mpre sublevarse contra esta inxustiza e denunciar como os gobernos do Estado e o galego act\u00faan como meros xestores dos intereses da oligarqu\u00eda e das grandes multinacionais, sen, nin sequera, atreverse a intervir os mercados para limitar os prezos dos produtos b\u00e1sicos e da enerx\u00eda\u201d.

\u201cPrecisamos romper a nosa dependencia colonial para rematar co espolio das nosas materias primas e recursos naturais, da enerx\u00eda que producimos e do aforro que xeramos\u201d, indicou. \u201cNecesitamos total soberan\u00eda para dot\u00e1rmonos dun sector enerx\u00e9tico e financeiro p\u00fablico e galego, que garanta unha electricidade con prezos populares e para que o noso aforro se converta en benestar social dos galegos e galegas e non contin\u00fae expatri\u00e1ndose e incrementando as contas de dividendos da oligarqu\u00eda financeira\u201d, sinalou. Urxe un modelo econ\u00f3mico autocentrado e un sistema fiscal e de financiamento propio e soberano para desenvolver o noso tecido industrial e as nosas potencialidades. \u201cEsiximos soberan\u00eda alimentar para relanzar o sector agropecuario,recuperar superficie agraria \u00fatil e impedir a eucalitizaci\u00f3n, mais tam\u00e9n, porque queremos vivir no noso idioma e na nosa cultura\u201d,
subli\u00f1ou Anxo Louzao.

\u201cPrecisamos combater as agresi\u00f3ns que recibimos e a galopante espa\u00f1olizaci\u00f3n que diariamente padecemos e, por iso, estamos empe\u00f1ados en crear m\u00e1is conciencia nacional e reforzar a autoestima colectiva\u201d, indicou. \u201cTemos a certeza que s\u00f3 con soberan\u00eda, exercendo como naci\u00f3n libre, Galiza ter\u00e1 futuro e construir\u00e1 unha sociedade m\u00e1is democr\u00e1tica, m\u00e1is xusta e de maior igualdade
social\u201d, explicou.

Deste xeito, realizou un chamamento a participar o 24 de abril na manifestaci\u00f3n que bai<\/p>\n\n\n\n