Xose Manuel Fernández Costas “Muxicas”
Abrir unha nova sección que trata sobre música de base tradicional é, para min, un orgullo e un privilexio.
Vai para cincuenta anos que por vez primeira me puxen publicamente cunha gaita ó lombo, acompañado na ocasión no tambor polo meu mestre de lingua e titor de COU no instituto da Guía. Foi o 17 de maio do ano 1977. A el quero dedicar o meu primeiro artigo nesta publicación, agora que vimos de darlle a triste despedida. Xesús Alonso Montero. Máis que un mestre para min. Un pai.
O primeiro tema exposto é un pasodobre que compuxen o pasado ano 2024 para a Rondalla de Reis de Zamáns, da que actualmente son director. “BATE FORTE”.
Porque só batendo forte acádanse obxectivos que poderían parecer lonxanos, pero ós que con obstinación pódense chegar.