A Festa de San Bieito volve alumear as rúas de Gondomar

San Benito Gondomar

Un ano máis chega ás rúas do noso concello a festa máis relevante da no sa vila e seguramente unha das máis significativas da comarca do Val Miñor. Si, amigos e amigas estamos falando de San Bieito que, como é habitual a principios do vindeiro mes de xullo, volverá asolagar de luz e cor ao noso querido Gondomar. Porén esta é un festa que aínda conserva un importante sentido relixioso, iso no quita que o factor lúdico estea tamén presente , que si o está, pero San Bieito é tamén un evento relixioso de primeira magnitude onde a fe de moitos veciños e visitantes faise moi presente.Nós para coñecer como se presenta este ano conversamos con Juan José párroco da localidade

Juan José González párroco de Gondomar

En San Bieito prima o relixioso sobre o lúdico”

Como se presenta a festa de San Bieito deste ano?

Coas mesmas ganas que outros anos, pero coa perspectiva de non ter ningún tipo de restrición e, esperemos poder volver á normalidade. A única festa que non celebramos foi a de San Bieito de inverno, que cadrou en pleno confinamento da pandemia. Do resto puidémolas celebrar todas. Estas cumprindo as medidas de precaución e sanitarias do momento pola COVID.

Vaia, puideches celebrar na pandemia a romaría como outros anos?

Si. Tivemos que poñer unha carpa fóra para que houbese máis espazo e estivese todo máis aireado. Mantivemos a imaxe do Santo dentro da Igrexa para poder achegarse a vela mantendo unha distancia e unha orde para que non houbese aglomeracións. Resultounos bastante ben e temos pensado, en principio, que para este ano que non haxa que facer ningún tipo de restrición e poder volver á normalidade de antes do ano 20.

O día de San Bieito é o 11 de xullo. Cal é a característica desta festa? Que é o que facedes para celebrala?

O 11 de xullo é a chamada romaría de San Bieito de verán e é festivo local aquí en Gondomar. A outra é a chamada de inverno que se celebra o 21 de marzo.

Esta é unha romaría onde prima o estilo clásico. Prima o aspecto relixioso por encima de calquera acto lúdico.

Os devotos o que veñen é a escoitar misa. Hai misas desde as 7:00 H da mañá á 13:00 H da tarde, ininterrompidamente unha cada hora. Despois da misa maior, a das 12, hai procesión. Unha procesión moi sinxela ao redor do templo para que os devotos teñan a oportunidade de levar algunha das varas do Santo.

Xa pola tarde de 5:30 H a 9:30 H. Despois faise a tradicional ofrenda, que adoita ser dunha ducia de ovos de casa, pedidos normalmente e mesmo cada 1 nunha casa diferente para que supoña máis esforzo, aceite ou mesmo as figuras de cera de esbozos representando o mal concreto da zona do corpo que queremos curar.

Durante cantos días hai estas misas?

No propio só o propio día de San Benito, si que hai a novena entre os días dous e dez do propio mes de xullo.

Como San Bieito é o patrón de Gondomar, complétase esta romaría relixiosa con outras festas como a de San Cristóbal, que este ano cadra en domingo día 10. Este é o patrón dos coches polo que facemos a misa no exterior e a bendición dos vehículos. Aquí soe ser os protagonistas o colectivo de taxistas.

Despois do día de San Bieito, o día 12, vén a festa de San Antonio. Aquí fanse as poxas das ofrendas entregadas ao Santo. Estas adoitan ser plantas, galos, galiñas, coellos… E despois hai misa solemne e procesión.

Para terminar, temos unha última celebración ao seguinte domingo de San Bieito que este ano cadra en día 17. Esta é a chamada Festa da Gratitude. Festa na que se fai unha ofrenda de flores. Esta é para a xente do pobo, a xente de aquí, sobre todo para os comerciantes, en modo de agradecemento polos beneficios obtidos. Faise o domingo unha misa solemne, despois unha procesión, esta é a última xa, e logo a ofrenda de flores, tanto por parte de particulares, como dos comerciantes.

E a festa lúdica, quen a organiza? O concello, unha Comisión de Festas ou Participa Tamén a Igrexa.

Esta é unha festa que vén rodada xa, como quen di, a parte relixiosa faise sempre e soa, independentemente de que se celebre ou non a parte lúdica e organizámola aquí. Da parte lúdica si que hai unha comisión que é a que se encarga da celebración das verbenas e todo o tema musical e gastronómico.

E as relacións co concello, que tal están? Achegan axuda económica para esta festa?

Supoño que o Concello fará algún tipo de achega coa Comisión de Festas organizadora da parte lúdica. Na parte relixiosa non lle pedimos diñeiro ao Concello. Si que o ano pasado pedímoslle o estrado para a carpa e proporcionáronnolo, pero este ano non temos previsto pedirlle nada en especial.

Primer comentario

Deixa a túa opinión