O BNG de Salvaterra vén de presentar perante a FISCALÍA unha denuncia contra o concello que goberna o Partido Popular polas presuntas irregularidades no desvío de cartos percibidos polo aproveitamento dos terreos da PLISÁN para pagar facturas acumuladas con provedores, o que constitúe un delito de prevaricación xa que legalmente esas partidas económicas só poden destinarse a actuacións públicas de interese social como construción de vivenda protexida, conservación e ampliación de patrimonio ou protección medioambental. O BNG denuncia que estas actuacións, ademais da súa ilegalidade, impiden á veciñanza de Salvaterra aumentar o patrimonio inmobiliario con melloras sustanciais por mor dunha nefasta xestión dende o goberno municipal.
