A primeira fin de semana deste mes de xuño na cidade de Telde, na illa de Gran Canaria, o equipo sénior feminino do balonmán Chapela disputou a fase de ascenso á división de honra B.O obxectivo das mozas bereteiras non era acadar o ascenso, malia que sempre queren gañar todos os partidos desde logo. Pero o número elevado de lesionadas co que afrontaron esta fase facía moi difícil a competición contra equipos poderosísimos. De feito o conxunto que logrou o ansiado ascenso foi o Balonmán Granollers, toda unha institución de enorme importancia no balonmán do estado español. No último partido da fase de ascenso que as nosas bereteiras disputaron contra as catalás as lesións deixaron ao equipo en cadro, pois só 7 xogadoras, as mínimas para artellar unha aliñación, estaban dispoñibles para xogar ese partido. En declaracións á Nova Peneira, María, a presidenta do equipo amosou a súa enorme satisfacción pola experiencia, novidosa para a maioría das xogadoras, así como o seu orgullo por poder levar as bandeiras de Chapela, Redondela, e Galicia polo mundo adiante. A presidenta do conxunto bereteiro quere agradecer tanto a Cies, o seu patrocinador, como ao concello de Redondela a súa axuda económica para axudar a sufragar os gastos da viaxe a Canarias, e manifestar a súa confianza en poder seguir contando no futuro coa súa importante colaboración.
Artigos relacionados
Luis Fernández, presidente e coordinador da Asociación «Mesa de Memoria Histórica do Distrito de Latina»
“ Señora aquí no asesinamos a nadie, aquí ejecutamos a rojos” […]
O PP de Redondela amosa a súa satisfacción polo arquivo da querela por calumnias interposta por Digna Rivas ao voceiro popular Javier Bas
O Auto do Xulgado é contundente, decreta o arquivo das actuacións, e ratifica a veracidade das declaracións do voceiro popular nas que afirmaba que a alcaldesa firmou e enviou documentación manipulada para a obtención dunha subvención, e que o fixo, co seu coñecemento e consentimento […]
O fútbol modesto en tempos de pandemia
A situación que vivimos afecta a todas as persoas, e a todos os eidos da vida coverténdoa en algo moi distinto a como a coñeciamos antes de marzo do ano pasado. E o fútbol modesto, unha realidade enormemente popular nas nosas vilas, aldeas e barrios non é alleo ao problema. Na actualidade, só os equipos que teñen a oportunidade de competir en categorías de ámbito estatal poden xogar e adestrar. […]