Para chegar a entender o acontecido a Bernardo Bernárdez Martínez, Concelleiro de Salvaterra de Miño, da parroquia de Alxén, asasinado vilmente no lugar da Picada o 29 de xullo de 1936, temos que remontarnos a case dous anos antes.
O 15 de outubro de 1934, derivado e como consecuencia da chamada “revolución de Asturias”, foron depostos por orde gobernativa, tódolos Concelleiros esquerdistas saídos das Eleccións Municipais do 12 de abril de 1931, e substituídos por vellos elementos conservadores dereitistas. Salvaterra de Miño non foi unha excepción, pasaron a ocupar os postos de Concelleiros, elementos como Manuel Soto Andrés (Alcalde), Manuel Martínez, Antonio Estévez, Enrique Fernández, Ismael Barbeito Martínez, Manuel González Porto, Feliciano Vidal, Francisco Lorenzo, Alberto Barbeito Oliveira, Domingo Grandal, Cándido Pérez, Ángel López Aldir, Enrique Gándara Ocampo e Manuel Rodríguez.
Pasados eses meses, celebráronse as Eleccións Xerais do 16 de febreiro de 1936, e gañounas a Fronte Popular de esquerdas, xa que logo foron repostos nos seus lugares tamén os Concelleiros depostos, que foran elixidos democraticamente nas Eleccións Municipais do 12 de abril de 1931.
Na Acta Municipal da Sesión Extraordinaria do día 21 de febreiro de 1936, recóllese… “Dimisión.- …a propuesta de la Presidencia, se acuerda por unanimidad presentar ante el Excmo. Sr. Gobernador Civil, la dimisión de sus cargos, en vista de las actuales circunstancias…”. Loxicamente estamos a falar dos elementos dereitistas colocados a dedo no 34 e agora, obrigados a dimitir.
O 24 de febreiro de 1936, celébrase no Salón de Sesións Municipal, unha xuntanza na que está presente o Sr. Delegado do Gobernador Civil D. Manuel Pérez Troncoso, cos Sres. Concelleiros de elección popular, suspensos por orde gobernativa o 15 de outubro de 1934, co fin de repoñelos nos seus cargos de Concelleiros, agás D. Avelino Vidal que finara e a D. Benito Rodríguez Estévez e D. Manuel Costa que están ausentes, e D. Ángel López Aldir que renuncia. Tomaron posesión dos seus cargos, Manuel Mariño Méndez no de Alcalde, D. Manuel Rodríguez Alonso no de 1º Tenente de Alcalde, D. Higinio Presa Blanco no de 2º Tenente de Alcalde, D. Jesús Pino Valado no de 3º Tenente de Alcalde, D. Abundio Ledo Gómez no de 4º Tenente de Alcalde, D. Antonio Varela Rodríguez no de 1º Rexedor Síndico, D. Segundo Bouza Rodríguez no de Rexedor, (non compareceu), D. Ricardo Rodríguez Andrés no de Rexedor, D. Raimundo Rodríguez Alonso no de Rexedor, D. Antonio Díaz Groba no de Rexedor e Depositario Concelleiro D. Jesús Groba Fernández no de Rexedor, D. Dionisio Paz Ameijeira no de Rexedor, D. Antonio Araujo Castro no de Rexedor, (non compareceu) e D. Joaquín Pazo no de Rexedor, (non compareceu).
O 14 de marzo de 1936, o Alcalde Manuel Mariño Méndez dirixíase por carta á Asociación de Residentes de Salvaterra de Miño en Bos Aires, pedíndolles axuda económica face ás inminentes Eleccións Municipais que se ían celebrar o 12 de abril, (finalmente non se celebraron), e comentáballes como, “…el pasado día 24 de febrero, se repusieron en el Ayuntamiento a todos los Concejales de elección popular, estamos en nuestros puestos revisando toda la obra de la gestora de caciques, acabo de llegar de Pontevedra, del Gobierno Civil, donde puse a la firma del Gobernador, para cubrir las plazas vacantes de los Concejales, ausentes y fallecidos, una nota de nombres de cuatro Concejales interinos que me fue aceptada, que fueron los siguientes; José Domínguez González, José Bouzo Barbeito, José Fernández Rodríguez y Bernardo Bernárdez Martínez, quedan dos traidores que tuvieron el cinismo de venir a tomar sus puestos después de trabajar por Gil Robles, que son de Arantey y de Porto, …poco les queda”.
O día seguinte, na Sesión Ordinaria do Pleno Municipal, acta do 15 de marzo de 1936, recolle a toma de posesión dos novos Concelleiros, “…se da lectura a oficio del Excmo. Sr. Gobernador Civil, fecha siete del actual, nombrando Concejales interinos de este Ayuntamiento a D. José Fernández Rodríguez, D. José Domínguez González, D. José Bouzo Barbeito y D. Bernardo Bernárdez Martínez, para cubrir las cuatro vacantes producidas por D. Avelino Vidal, D. Benito Rodríguez, D. Manuel Costa y D. Ángel López Aldir, y ordenando se le dé posesión en la primera sesión que se celebre por esta Corporación…”.No seguinte Pleno do 29 de Marzo de 1936, recolle xa a presenza entre os Concelleiros da Corporación a Bernardo Bernárdez Martínez, e os demáis.
Pasan algunhas semanas e no xornal Renovación de Ponteareas do 15 de xuño de 1936, (vencellado o Partido Socialista), aparece a seguinte noticia, “ALJÁN (ALXÉN)…De hace más de un mes a esta parte se sigue en el Juzgado de Puenteareas un juicio contra el compañero Bernárdez. A éste se atribuyen unos palos recibidos por un buen merlo, perteneciente a la gente más caciquil de la aldea. Aun cuando los palos fueran cierto no estarían nada mal porque dicho merlo nos consta que días antes con un tremendo hierro amenazó al compañero Bernárdez, pero éste pudo salvarse gracias a introducirse en el domicilio del compañero fallecido Francisco Ojea Aldir. Este asunto nos consta que está ligado al 16 de febrero…(lembremos, foi a data das Eleccións Xerais), y como el compañero Bernárdez les hizo una guerra terrible creen que el fracaso de sus fascistas planes es obra exclusiva de los hombres del Sindicato, emprendiéndolas con su Secretario. Pero la opinión de la aldea está del lado del compañero Bernárdez y los jueces que entienden en este asunto deben ver los móviles, las ligaduras electorales, la intachable conducta de Bernárdez y la hoja social de los que se dicen agredidos… porque no le pudieron arrear antes. Estas líneas las escribimos a solicitud de muchos vecinos para que no le sorprenda a la autoridades que entienden en el asunto…”.
Desta noticia hai que facer as seguintes consideracións cautelosas:
1º.- Habemos de supoñer que o tal Bernárdez, sexa efectivamente Bernardo Bernárdez, porque non o clarexa. 2º.- A disputa, máis ou menos violenta, está vencellada ó 16 de febreiro, data das Eleccións Xerais gañadas pola Fronte Popular. 3º.- Atribúe o tal Bernárdez o cargo de Secretario dun Sindicato, de Alxén?, agrarista?
Non foi este o único conflito de Bernardo, xa que na última acta de data 12 de xullo de 1936, recóllese o seguinte:
“…Denuncia: Siendo muchas las quejas que vienen recibiendo los Concejales, contra el farmacéutico Sr. D. Valladares, por no tener en dicha farmacia los medicamentos más indispensables para el despacho de recetas, se acuerda por unanimidad, a propuesta del Concejal Sr. Bernárdez, denunciar el hecho al Sr. Inspector provincial de Sanidad Farmacéutica, para que ordene a dicha “Farmacia” una inspección, y le obligue al Farmacéutico Sr. Domínguez Valladares a tener todo lo necesario en la misma.”
Continuará…
Salvaterra de Miño, 10 de decembro do 2024
