A Sociedade Cultural do Viso comezará o curso lectivo despois do parón do verán no mes de setembro co curso de gaita tradicional e percusión impartido por Manuel Cruces, gaiteiro do grupo Tanto Nos Ten, os venres pola tardiña en varios grupos a partir das 18:30h e iniciación á percusión os xoves ás 16:00h. Os martes pola tarde retomarase o curso pandeireta e canto tradicional, impartido este por Luis Prego, músico do grupo Ardentía, a partir das 18:30h. Gaita e percusión iniciará a súa andaina o vindeiro venres 3 de setembro mentres que pandeireta e canto comezará o martes 21 de setembro.
Os cursos desenvolveranse na Antiga Escola de Tuimil, na parroquia do Viso, concello de Redondela.
Para recibir máis información destes cursos, os interesados pódense dirixir ao correo electrónico acsmviso@gmail.com ou aos teléfonos 627.938.607 (gaita e percusión) ou 664.857.687 (pandeireta e canto) .